15 ilin əmanət statistikası
Mərkəzi Bank 2021-ci il yanvarın 1-nə əmanət məbləğini 8 milyard 177,9 milyon manat göstərib. 2020-ci ilin əvvəlində 8 milyard 637,9 milyon manatlıq əmanət qeydə alınmışdı. Bir ildə əmanətlər 460 milyon manat azalıb.
Novator.az əvvəlki illərin əvvəlinə olan göstəriciləri də təqdim edir:
2007-ci il – 742,2 milyon manat
2008-ci il – 1 milyard 499,7 milyon manat
2009-cu il – 1 milyard 833,9 milyon manat
2010-cu il – 2 milyard 385,8 milyon manat
2011-ci il – 3 milyard 72,1 milyon manat
2012-ci il – 4 milyard 119,8 milyon manat
2013-cü il – 5 milyard 113,4 milyon manat
2014-cü il – 6 milyard 395,8 milyon manat
2015-ci il – 7 milyard 188,3 milyon manat
2016-cı il – 9 milyard 473,9 milyon manat
2017-ci il – 7 milyard 448,7 milyon manat
2018-ci il – 7 milyard 561,2 milyon manat
2019-cu il – 8 milyard 375,4 milyon manat.
Statistikada fərdi sahibkarlıqla məşğul olan fiziki şəxslərin əmanətləri də nəzərə alınır.
2016-cı ildən qüvvədə olan “Əmanətlərin tam sığortalanması haqqında” qanunun tətbiq müddəti 2021-ci il aprelin 5-də bitir.
Hazırda tam sığortalanma qaydası illik faiz dərəcəsi milli valyutada 12 faizdən, xarici valyutada 2,5 faizdən yüksək olmayan əmanətləri əhatə edir.
“Əmanətlərin sığortalanması haqqında” qanuna əsasən, 5 aprel 2021-ci ildən fiziki şəxslərin qorunan əmanətləri üzrə kompensasiya məbləği 30 min manatdan 100 min manata (xarici valyutada 100 min manat ekvivalentinədək) artırılır.
