Hasilat və qiymət
Dövlət Statistika Komitəsinin hesabatına görə, 2020-ci ildə Azərbaycanda 34,5 milyon ton xam neft hasil olunub. Novator.az bildirir ki, bu, 2008-ci ildən bəri ən aşağı göstəricidir.
2008-ci ilin hasilatı 44,5 milyon ton, 2009-cu ilin hasilatı 50,4 milyon ton, 2010-cu ilin hasilatı 50,8 milyon ton həddində rəsmiləşib.
2011-ci ildə 45,6 milyon ton, 2012-ci ildə 43,4 milyon ton, 2013-cü ildə 43,5 milyon ton, 2014-cü ildə 42 milyon ton, 2015-ci ildə 41,6 milyon ton, 2016-cı ildə 41 milyon ton, 2017-ci ildə 38,7 milyon ton, 2018-ci ildə 38,8 milyon ton, 2019-cu ildə 37,4 milyon ton neft çıxarılıb.
Ötən il gündəlik hasilat yanvarda 678 min barrel, fevralda 667,4 min barrel, martda 683,7 min barrel, apreldə 679,8 min barrel, mayda 557,2 min barrel, iyunda 553,8 min barrel, iyulda 554,1 min barrel, avqustda 584,6 min barrel, sentyabrda 585 min barrel, oktyabr, noyabr və dekabrda 587 min barrel olub.
Beynəlxalq razılaşmaya görə, Azərbaycan 2021-ci ilin yanvar-mart aylarında gündəlik xam neft hasilatını 595 min barrel həcmində saxlamalıdır.
Azərbaycanın 2021-ci il büdcəsində bir barrel neftin qiyməti 40 dollardan götürülüb.
“AzəriLayt” markalı Azərbaycan neftinin barreli 2021-ci ilə 50,92 dollarla başlayıb. 26 yanvar qiyməti 55,83 dollardır.
