Prezident kürsüdə qaldı
Portuqaliyada yanvarın 24-də keçirilmiş prezident seçkisinin ilkin nəticələri açıqlanıb. Novator.az-ın məlumatına görə, 7 nəfərin yarışdığı seçkidə indiki prezident Marselu Rebelu di Souza 60,7 faiz səslə önə çıxıb.
1948-ci il təvəllüdlü Marselu Rebelu di Souza 2016-cı ildən dövlət başçısıdır.
Portuqaliya parlament respublikasıdır. Hazırda icra hakimiyyətinin rəhbəri – baş nazir postunu Sosialist Partiyasının lideri Antonio Koşta tutur.
Sosialist Partiyası prezident seçkisində Marselu Rebelu di Souzaya dəstək verib.
