Qeydiyyatlı partiyalar
Novator.az Ədliyyə Nazirliyinin dövlət qeydiyyatına aldığı 62 siyasi partiyanı təqdim edir.
Siyasi partiyalar qanunu 1992-ci ildən qüvvədədir, qeydiyyat prosesi həmin il başlayıb: Azərbaycan Milli İstiqlal Partiyası, Azərbaycan Dirçəliş və Tərəqqi Partiyası, Azərbaycan Xalq Demokratik Partiyası, Ana Vətən Partiyası, Milli Demokrat İdrak Partiyası, Azərbaycan Kəndli Partiyası, Vətəndaş Həmrəyliyi Partiyası, Müsavat Partiyası, Birlik Partiyası, Yeni Azərbaycan Partiyası rəsmiləşib.
1993-cü ildə bu partiyalar qeydiyyata götürülüb: Vahid Azərbaycan Milli Birlik Partiyası, Vahid Azərbaycan Partiyası (2020-ci ildən rəsmən Ağ Partiya kimi tanınıb), Demokratik Azərbaycan Dünyası Partiyası (2020-ci ildən Milli Həmrəylik Partiyası adlanır), Müstəqil Azərbaycan Partiyası, Milli Qurtuluş Partiyası, Azərbaycan Yurddaş Partiyası, Azərbaycan Ümid Partiyası, Qorqud Partiyası.
Azərbaycan Milli Hərəkat Partiyası, Azərbaycan Kommunist Partiyası, Azərbaycan Milli Dövlətçilik Partiyası, Azərbaycan Vətənpərvərlər Partiyası, Azərbaycan Demokratik Sahibkarlar Partiyası 1994-cü ildən qeydiyyatdadırlar.
1995-ci ildə bu partiyalar qeydiyyat şəhadətnaməsi alıb: Azərbaycan Naminə Alyans Partiyası, Azərbaycan Demokratik Maarifçilik Partiyası, Azərbaycan Sosial Rifah Partiyası, Azərbaycan Liberal Partiyası, Azərbaycan Sosial Demokrat Partiyası, Azərbaycan Xalq Cəbhəsi Partiyası, Azərbaycan Vahid Kommunist Partiyası.
Sosial Ədalət Partiyası, Milli Konqres Partiyası, Vəhdət Partiyası 1998-ci ildə, Azərbaycan Respublikaçılar Partiyası, Azərbaycan Xalq Partiyası, Azərbaycan Liberal Demokrat Partiyası 1999-cu ildə rəsmiləşib.
2000-ci ildə Azərbaycan Demokrat Partiyası, Azərbaycan Mübarizləri Partiyası, 2002-ci ildə Ədalət Partiyası, Milli Vəhdət Partiyası, Müasir Müsavat Partiyası, Azərbaycan Azad Respublikaçılar Partiyası qeydiyyata alınıb.
Böyük Quruluş Partiyası, Azadlıq Partiyası, Azərbaycan Demokratik İslahatlar Siyasi Partiyası, Bütöv Azərbaycan Xalq Cəbhəsi Partiyası, Azərbaycan Tərəqqi Partiyası, Böyük Azərbaycan Partiyası, Azərbaycan Təkamül Partiyası, Vətəndaş Birliyi Partiyası 2005-ci ildə rəsmən tanınıblar.
Klassik Xalq Cəbhəsi Partiyası, Vətəndaş və İnkişaf Partiyası 2007-ci ildə, Azərbaycan Milli Demokrat Partiyası 2008-ci ildə, Aydınlar Partiyası 2009-cu ildə, Milli Dirçəliş Hərəkatı Partiyası 2011-ci ildə rəsmiləşib.
Bu partiyalara 2020-ci ildə şəhadətnamə verilib: Azad Demokratlar Partiyası, Yeni Zaman Partiyası, Cümhuriyyət Xalq Partiyası, Müstəqil Xalq Partiyası, Milli Cəbhə Partiyası, Respublikaçı Alternativ Partiyası, Gələcək Azərbaycan Partiyası.
Siyasi partiyanın qeydiyyatı üçün azı 1000 vətəndaş onun üzvü olmalıdır.
Yeni Azərbaycan Partiyası, Vətəndaş Həmrəyliyi Partiyası, Respublikaçı Alternativ Partiyası, Azərbaycan Demokratik İslahatlar Siyasi Partiyası, Böyük Quruluş Partiyası, Bütöv Azərbaycan Xalq Cəbhəsi Partiyası, Ana Vətən Partiyası, Milli Cəbhə Partiyası, Vəhdət Partiyası, Vətəndaş Birliyi Partiyası, Azərbaycan Demokratik Maarifçilik Partiyası parlamentdə təmsil olunurlar.
