Ekoloji pozuntuların cəriməsi
Azərbaycanda ümumi sahəsi 120,7 min hektar olan 10 dövlət təbiət qoruğu, sahəsi 421,4 min hektar olan 10 milli park və sahəsi 350,8 min hektar olan 24 dövlət təbiət yasaqlığı var. Dövlət Statistika Komitəsi bildirir ki, xüsusi mühafizə olunan təbiət əraziləri ölkə ərazisinin 10,3 faizinə bərabərdir.
Hesabata əsasən, Ekologiya və Təbii Sərvətlər Nazirliyinin monitorinq xidmətləri 2020-ci ildə 1553 müəssisədə müayinələr aparıb, təbiəti mühafizə qanunvericiliyinin pozulmasına görə inzibati məsuliyyətə cəlb olunmuş 1004 nəfər vəzifəli şəxs və vətəndaşdan 1 milyon 140 min manat məbləğində cərimə tutulub.
