Sərmayə göstəriciləri
Dövlət Statistika Komitəsi sərmayə hesabatı yayıb. Rəsmi açıqlamaya görə, 2020-ci ildə əsas kapitala 17 milyard 28,1 milyon manat məbləğində, 2019-cu illə müqayisədə 8,3 faiz az vəsait yönəldilib: “Neft-qaz sektoruna investisiyalar 0,3 faiz artmış, qeyri neft-qaz sektoruna yönəldilən vəsait 12,3 faiz azalıb. İstifadə olunmuş vəsaitin 65,6 faizi məhsul istehsalı sahələrinə, 26,4 faizi xidmət sahələrinə, 8 faizi yaşayış evlərinin tikintisinə gedib.
Vəsaitlərin 69,9 faizi daxili vəsaitlər, sərmayənin ümumi dəyərində müəssisə və təşkilatların vəsaitləri 50,4 faiz, büdcə vəsaitləri 27,6 faiz, bank kreditləri 6,2 faiz, əhalinin şəxsi vəsaitləri 5,7 faiz, sair vəsaitlər 8,6 faiz, büdcədənkənar dövlət fondlarının vəsaitləri 1,5 faiz olub”.
