47 hərrac, 61,5 milyon manat
İqtisadiyyat Nazirliyi yanında Əmlak Məsələləri Dövlət Xidməti 2020-ci ildə 47 hərrac keçirib. Rəsmi hesabata görə, hərraclarda 5 səhmdar cəmiyyətinin səhm paketi, 24 kiçik dövlət müəssisəsi, 2 qeyri-yaşayış sahəsi, 3 yarımçıq tikili və 100 nəqliyyat vasitəsi özəlləşdirilib.
Qeyd olunur ki, ötən il qeyri-yaşayış sahələrinin icarəyə verilməsi üzrə 258 müqavilə bağlanıb, 320 icarə müqaviləsinin müddəti uzadılıb: “Müəssisə və obyektlərin yerləşdiyi torpaq sahələri üzrə ümumilikdə 160 icarə müqaviləsi rəsmiləşib, 4 icarə müqaviləsinin müddəti artırılıb.
2020-ci ildə özəlləşdirmədən dövlət büdcəsinə 61,5 milyon manat, dövlət əmlakının icarəsindən 10,3 milyon manat daxil olub”.
