20-ci ilin xarici ticarəti
2020-ci ilin xarici ticarət statistikası açıqlanıb. Novator.az bildirir ki, Dövlət Gömrük Komitəsinin hesabatına görə, ötən il Azərbaycanın xarici ticarət əməliyyatlarının həcmi 24,4 milyard dolları ötüb, 13,7 milyard dollardan çox ixrac, 10,7 milyard dollardan çox idxal qeydə alınıb.
183 ölkə ilə ticarət əməliyyatı aparıldığı, gömrük orqanlarının büdcəyə 3 milyard 938,2 milyon manat vəsait ödədiyi vurğulanır.
Rəsmi məlumata əsasən, ixracın 9,5 faizi Müstəqil Dövlətlər Birliyi (MDB) ölkələrinin, 49,5 faizi Avropa İttifaqı ölkələrinin, 41 faizi başqa ölkələrin payına düşüb.
İdxalda MDB-nin payı 26,1 faiz, Avropa İttifaqının payı 23,6 faiz, başqa ölkələrin payı 50,3 faiz göstərilir.
2020-ci ildə əsas tərəfdaş İtaliya olub, bu ölkə ilə ticarət ümumi dövriyyənin 18,6 faizi həcmində rəsmiləşib.
İxracda əsas ölkə İtaliya (30,3 faiz), idxalda Rusiyadır (18,2 faiz).
Hesabata görə, ixracın 86,5 faizi neft-qaz sektoruna daxil olan mallardır.
İdxalın 15,2 faizi yeyinti məhsulları kimi rəsmiləşib.
