Hasilatın illəri
Energetika Nazirliyinin rəsmi hesabatına görə, 2020-ci ilin yanvar-noyabr aylarında Azərbaycanda 31,6 milyon ton neft çıxarılıb. Novator.az bildirir ki, bu, ötən ilin yekun göstəricisindən 5,8 milyon ton azdır. 2019-cu ildə 37,4 milyon ton neft hasil olunmuşdu.
Əvvəlki illərə gəlincə, 2008-ci ilin hasilatı 44,5 milyon ton, 2009-cu ilin hasilatı 50,4 milyon ton, 2010-cu ilin hasilatı 50,8 milyon ton həddində rəsmiləşib.
2011-ci ildə hasilat 45,6 milyon ton, 2012-ci ildə 43,4 milyon ton, 2013-cü ildə 43,5 milyon ton, 2014-cü ildə 42 milyon ton, 2015-ci ildə 41,6 milyon ton, 2016-cı ildə 41 milyon ton, 2017-ci ildə 38,7 milyon ton, 2018-ci ildə 38,8 milyon ton göstərilib.
Ötən il gündəlik hasilat yanvarda 678 min barrel, fevralda 667,4 min barrel, martda 683,7 min barrel, apreldə 679,8 min barrel, mayda 557,2 min barrel, iyunda 553,8 min barrel, iyulda 554,1 min barrel, avqustda 584,6 min barrel, sentyabrda 585 min barrel, oktyabr, noyabr və dekabrda 587 min barrel olub.
Beynəlxalq razılaşmaya görə, Azərbaycan 2021-ci ilin yanvar-mart aylarında gündəlik xam neft hasilatını 595 min barrel həcmində saxlamalıdır.
Azərbaycanın 2021-ci il büdcəsində bir barrel neftin qiyməti 40 dollardan götürülüb.
“AzəriLayt” markalı Azərbaycan neftinin barreli 2021-ci ilə 50,92 dollarla başlayıb.
