Energetika Nazirliyinin 11 yanvar məlumatına görə, 2020-ci ilin dekabr ayında Azərbaycanın gündəlik xam neft hasilatı 587 min barrel həcmində rəsmiləşib.

Ötən il gündəlik hasilat yanvarda 678 min barrel, fevralda 667,4 min barrel, martda 683,7 min barrel, apreldə 679,8 min barrel, mayda 557,2 min barrel, iyunda 553,8 min barrel, iyulda 554,1 min barrel, avqustda 584,6 min barrel, sentyabrda 585 min barrel, oktyabr və noyabrda 587 min barrel göstərilib.

Hesabata əsasən, 2020-ci ilin yanvar-noyabr aylarında Azərbaycanda kondensatla birlikdə 31,6 milyon ton neft çıxarılıb, onun 26 milyon tonu ixrac olunub.

Beynəlxalq razılaşmaya görə, Azərbaycan 2021-ci ilin yanvar-mart aylarında gündəlik xam neft hasilatını 595 min barrel həcmində saxlamalıdır.

Azərbaycanın 2021-ci il büdcəsində bir barrel neftin qiyməti 40 dollardan götürülüb.

“AzəriLayt” markalı Azərbaycan neftinin barreli 2021-ci ilə 50,92 dollarla başlayıb.