Yerli icra hakimiyyətləri böyüdülür
Yanvarın 7-də fərman imzalayan prezident İlham Əliyev yerli icra hakimiyyətləri haqqında əsasnaməni yeniləyib. Novator.az-ın məlumatına görə, dəyişiklik yerli icra hakimiyyəti aparatlarında vətən müharibəsi iştirakçıları və şəhid ailələri ilə işin təşkili şöbəsi yaradılmasını nəzərdə tutur.
Ermənistan 1988-1994-cü illərin təcavüzündə Azərbaycanın bütün cənub-qərbini işğal edib.
2020-ci il sentyabrın 27-dən Azərbaycan Ordusunun apardığı əməliyyatlarda Cəbrayıl, Füzuli, Zəngilan, Qubadlı, Şuşa şəhərləri, bir çox qəsəbə və kənd azad olunub.
Noyabrın 10-da hərbi əməliyyatlar dayandırılıb. Dekabrın 1-dək Ağdam, Kəlbəcər, Laçın rayonları Azərbaycana qaytarılıb.
Yuxarı Qarabağın böyük hissəsi işğalda qalır.
Laçın şəhəri və rayonun bir neçə kəndi bölgədə atəşkəsi qorumağa məsul olan Rusiya hərbçilərinin əlindədir.
Vətən müharibəsi adı alan hərbi əməliyyatlarda 2823 nəfər şəhid olub.
