Yeni razılaşma, Azərbaycanın kvotası, qiymət artımı
İri neft ixracatçıları – OPEK ölkələri (Anqola, Birləşmiş Ərəb Əmirlikləri, Ekvatorial Qvineya, Əlcəzair, İraq, İran, Konqo, Küveyt, Qabon, Liviya, Nigeriya, Səudiyyə Ərəbistanı, Venesuela) və 10 qeyri-OPEK ölkəsi (Azərbaycan, Bəhreyn, Bruney, Cənubi Sudan, Qazaxıstan, Malayziya, Meksika, Oman, Rusiya, Sudan) yanvarın 5-də neft hasilatı ilə bağlı yeni razılaşma əldə edib. Novator.az bildirir ki, razılaşmaya görə, Azərbaycan fevral-mart aylarında da gündəlik xam neft hasilatını yanvardakı səviyyədə – 595 min barrel həcmində saxlamalıdır.
Yanvarın 6-da “AzəriLayt” markalı Azərbaycan neftinin barreli 52,94 dollara yüksəlib. Ay 50,92 dollarla başlamışdı.
Azərbaycanın 2021-ci il büdcəsində bir barrel neftin qiyməti 40 dollardan götürülüb.
