Manatın illik xərci
Dövlət Neft Fondu Mərkəzi Bankın 2020-ci ildə keçirdiyi valyuta hərraclarında 7 milyard 303,6 milyon ABŞ dolları məbləğində vəsait satıb. Novator.az bildirir ki, manatı qorumağa yanvarın hərraclarında 300,2 milyon, fevralın hərraclarında 543,4 milyon, martın hərraclarında 1 milyard 928,3 milyon, aprelin hərraclarında 531,1 milyon, mayın hərraclarında 334 milyon, iyunun hərraclarında 373,2 milyon, iyulun hərraclarında 515,5 milyon, avqustun hərraclarında 478 milyon, sentyabrın hərraclarında 606,4 milyon, oktyabrın hərraclarında 560,3 milyon, noyabrın hərraclarında 495,5 milyon, dekabrın hərraclarında 637,7 milyon dollar sərf edilib.
2016-cı ildə Dövlət Neft Fondunun analoji xərci 4,9 milyard, 2017-ci ildə 3,6 milyard, 2018-ci ildə 6,5 milyard, 2019-cu ildə 6,6 milyard dollar göstərilib.
2015-ci ilin iki devalvasiyası nəticəsində dolların rəsmi məzənnəsi 0,7844 manatdan 1,5594 manata yüksəlib.
2016-cı ildə rəsmi qiymət 1,7707 manata çatıb.
2017-ci ilin fevralında maksimal qiymət qeydə alınıb: 1,92 manat. Həmin ili 1,7001 manatla yola salan dollar 2018-ci il martın 7-dən banklara 1,7 manata təklif olunur.
