Mərkəzi orqanlar büdcədən nə alır?
Azərbaycanın 2021-ci il büdcəsində ümumi dövlət xidmətlərinə 4,1 milyard vəsait ayrılıb. Novator.az bildirir ki, bu xərc istiqaməti üzrə Milli Məclisə 42,2 milyon manat, Nazirlər Kabinetinə 27,6 milyon manat düşür. Prezident Administrasiyasının payı 153,9 milyon manatdır.
Müdafiə və milli təhlükəsizliyə ayrılan 4,5 milyard manatın 1,5 milyard manatı Müdafiə Nazirliyi üçün, 200 milyon manatı Dövlət Təhlükəsizliyi Xidməti üçün, 60,5 milyon manatı Xarici Kəşfiyyat Xidməti üçün, 281,6 milyon manatı Dövlət Sərhəd Xidməti üçün nəzərdə tutulub.
Məhkəmə hakimiyyəti, hüquq mühafizə və prokurorluq istiqaməti üzrə 2 milyard 92,8 milyon manatlıq xərcin 9,2 milyon manatı Konstitusiya Məhkəməsinə, 14,2 milyon manatı Ali Məhkəməyə,, 82 milyon manatı Baş Prokurorluğa verilir.
