Büdcədə medianın payı
2021-ci ilin dövlət büdcəsindən televiziya, radio və nəşriyyat sahəsinə 67,4 milyon manat ayrılır. Novator.az bildirir ki, həmin vəsaitin 34,1 milyon manatı “Azərbaycan Televiziya və Radio Verilişləri” Qapalı Səhmdar Cəmiyyətinin, 17 milyon 54,4 min manatı İctimai Televiziya və Radio Yayımları Şirkətinin payına düşür.
Vəsaitin 9,2 milyon manatı publik hüquqi şəxslər, 4,1 milyon manatı Kütləvi İnformasiya Vasitələrinin İnkişafına Dövlət Dəstəyi Fondu üçün nəzərdə tutulub.
“Azərbaycan” nəşriyyatına (dövlət sifarişlərinin yerinə yetirilməsi üçün) 1,9 milyon manat verilir.
“Mir” Dövlətlərarası Teleradio Şirkətinin Azərbaycan milli nümayəndəliyinə 619,9 min manat, Mədəniyyət Nazirliyinə 237,2 min manat, radio və televiziya redaksiyalarının saxlanması üçün 25,2 min manat ayrılır.
Büdcənin ümumi dövlət xidmətləri bölümündə Milli Televiziya və Radio Şurası üçün büdcədə 1,6 milyon manat vəsait nəzərdə tutulub.
