Pomidor, qızıl, pambıq…
İqtisadi İslahatların Təhlili və Kommunikasiya Mərkəzi ixrac icmalı açıqlayıb. Hesabata görə, Azərbaycan 2020-ci ilin yanvar-noyabr aylarında qeyri-neft sektoru üzrə 1,6 milyard ABŞ dolları dəyərində məhsul ixrac edib, göstərici ötən ilin eyni dövrü ilə müqayisədə 8 faiz azalıb.
Yanvar-noyabr aylarında Rusiyaya 628,1 milyon, Türkiyəyə 320,6 milyon, İsveçrəyə 201,3 milyon, Gürcüstana 117 milyon, Çinə 41,3 milyon dollar dəyərində qeyri-neft məhsulu ixrac olunduğu vurğulanır: “İxrac edilən qeyri-neft məhsulları siyahısında pomidor 190,4 milyon dollarla birinci, sikkə kəsilməsində istifadə olunmayan, digər emal olunmamış formalarda qızıl 183,7 milyon dollarla ikinci, pambıq mahlıcı 110,7 milyon dollarla üçüncü yerdə qərar tutub”.
