Azadlıq təltifləri
Bir qrup hərbi qulluqçu “Qubadlının azad olunmasına görə”, “Suqovuşanın azad olunmasına görə”, “Ağdamın azad olunmasına görə”, “Şuşanın azad olunmasına görə”, “Kəlbəcərin azad olunmasına görə”, “Laçının azad olunmasına görə” medalları ilə təltif edilib. Sərəncamları prezident İlham Əliyev dekabrın 29-da imzalayıb (1, 2, 3, 4, 5, 6).
Qəhrəman adı alan, təltif edilən hərbçilər
“Cəbrayılın azad olunmasına görə” medalı alanlar
Ermənistan 1988-1994-cü illərin hərbi-siyasi təcavüzündə Azərbaycanın bütün cənub-qərbini işğal edib.
2020-ci il sentyabrın 27-dən Azərbaycan Ordusunun apardığı əməliyyatlarda Cəbrayıl, Füzuli, Zəngilan, Qubadlı, Şuşa şəhərləri, bu rayonların, eləcə də Xocavənd, Xocalı, Laçın rayonlarının, keçmiş Ağdərə rayonunun bir çox kənd və qəsəbəsi azad olunub.
Noyabrın 10-da hərbi əməliyyatlar dayandırılıb. Ermənistan noyabrın 20-də Ağdam rayonunu, noyabrın 25-də Kəlbəcər rayonunu, dekabrın 1-də Laçın rayonunu Azərbaycana qaytarıb.
Xankəndi, Xocalı, Ağdərə, Xocavənd şəhərləri, Şuşa, Xocalı, Xocavənd rayonlarının və keçmiş Ağdərə rayonunun böyük hissəsi işğalda qalır.
Laçın şəhəri və rayonun bir neçə kəndi bölgədə atəşkəsi qorumağa məsul olan Rusiya Ordusu bölmələrinin nəzarətindədir.
Rəsmi hesabata görə, müharibədə Silahlı Qüvvələrin 2823 hərbi qulluqçusu şəhid olub.
