Beşdən ikisi
Dekabrın 28-i İngiltərə milli futbol çempionatında növbəti tur start götürür. Novator.az-ın məlumatına görə, hazırda “Liverpul” 32 xalla liderdir. “Everton”un 29, “Lester”in 28, “Mançester Yunayted”in 27, “Tottenhem” və “Mançester Siti”nin 28 xalı var.
İspaniya çempionatında turnir cədvəlinə 32 xalla “Real” və “Atletiko” başçılıq edirlər. “Real Sosyedad” və “Vilyarreal” 26, “Barselona” 24, “Sevilya” 23 xal yığıb. Növbəti tur dekabrın 29-da başlayır.
Avropanın digər üç aparıcı milli çempionatı tətildədir.
İtaliya çempionatında “Milan” 34 xalla irəli çıxıb. Lideri 33 xalla “İnter”, 27 xalla “Roma”, 26 xalla “Sassuolo”, 25 xalla “Napoli”, 24 xalla “Yuventus” izləyir. Tətil 2021-ci il yanvarın 3-də bitəcək.
Almaniya çempionatında “Bavariya” 30 xalla öndədir. “Bayer” və “Leypsiq” 28, “Volfsburq” 24 xal götürüb. Tətil 2021-ci il yanvarın 2-də bitəcək.
Fransa çempionatında “Lion” və “Lill” 36 xalla zirvəni bölüşürlər. PSJ 35, “Renn” 31, “Marsel” 28 xal əldə edib. Tətil 2021-ci il yanvarın 6-da bitəcək.
Mənbə:Football.kulichki.net
