Təltif sərəncamları
Dekabrın 25-də sərəncamlar imzalayan prezident İlham Əliyev bir qrup hərbi qulluqçunu “Füzulinin azad olunmasına görə” (1), “Zəngilanın azad olunmasına görə” (2) və “Xocavəndin azad olunmasına görə” (3) medalları ilə təltif edib.
Qəhrəman adı alan, təltif edilən hərbçilər
“Cəbrayılın azad olunmasına görə” medalı alanlar
Ermənistan 1988-1994-cü illərin hərbi-siyasi təcavüzündə Azərbaycanın bütün cənub-qərbini işğal edib.
2020-ci il sentyabrın 27-dən Azərbaycan Ordusunun apardığı əməliyyatlarda Cəbrayıl, Füzuli, Zəngilan, Qubadlı, Şuşa şəhərləri, bu rayonların, eləcə də Xocavənd, Xocalı, Laçın rayonlarının, keçmiş Ağdərə rayonunun bir çox kənd və qəsəbəsi azad olunub.
Noyabrın 10-da hərbi əməliyyatlar dayandırılıb. Ermənistan noyabrın 20-də Ağdam rayonunu, noyabrın 25-də Kəlbəcər rayonunu, dekabrın 1-də Laçın rayonunu Azərbaycana qaytarıb.
Xankəndi, Xocalı, Ağdərə, Xocavənd şəhərləri, Şuşa, Xocalı, Xocavənd rayonlarının və keçmiş Ağdərə rayonunun böyük hissəsi işğalda qalır.
Laçın şəhəri və rayonun bir neçə kəndi bölgədə atəşkəsi qorumağa məsul olan Rusiya Ordusu bölmələrinin nəzarətindədir.
Rəsmi hesabata görə, müharibədə Silahlı Qüvvələrin 2802 hərbi qulluqçusu şəhid olub.
