Büdcə zərfi ilk oxunuşdan keçdi
Dekabrın 25-də Milli Məclis 2021-ci ilin dövlət büdcəsi layihəsini ilk oxunuşda qəbul edib. Layihədə gəlirlər 25 milyard 427 milyon manat, xərclər 28 milyard 543 milyon manat nəzərdə tutulur.
Novator.az-ın məlumatına görə gəlir mənbələri belə sıralanır:
Dövlət Neft Fondundan köçürmə – 12 milyard 200 milyon manat
əlavə dəyər vergisi – 4 milyard 710 milyon manat
hüquqi şəxslərin mənfəət (gəlir) vergisi – 2 milyard 144 milyon manat
fiziki şəxslərin gəlir vergisi – 1 milyard 150 milyon manat
aksizlər – 1 milyard 59 milyon manat
gömrük rüsumları – 950 milyon manat
dövlət borcu və zəmanəti üzrə öhdəliklərin təminat fondundan köçürmə – 880 milyon manat
büdcə təşkilatlarının ödənişli xidmətlərindən daxilolmalar – 700 milyon manat
sadələşdirilmiş vergi 295 milyon manat
Mərkəzi Bankın mənfəətindən ayırmalar – 250 milyon manat
hüquqi şəxslərin əmlak vergisi – 211 milyon manat
dövlət rüsumu – 170 milyon manat
səhmlərində dövlətin payı olan müəssisələrdən dividendlər – 168 milyon 50 min manat
Azərbaycanda istehsal edilən və qiymətləri tənzimlənən məhsulların kontrakt (satış) qiyməti ilə (ixrac xərcləri çıxılmaqla) ölkədəki topdansatış qiyməti arasındakı fərqdən yığımlar – 141 milyon manat
mədən vergisi – 138 milyon manat
yol vergisi – 114 milyon manat
hüquqi şəxslərin torpaq vergisi – 45 milyon manat
dövlət əmlakının icarəsindən daxilolmalar – 11 milyon manat
dövlət mülkiyyətində olan torpaqların icarəsindən daxilolmalar – 8 milyon manat
xarici dövlətlərə verilmiş kreditlər üzrə daxilolmalar – 2 milyon 481 min manat
vergi orqanlarının xətti ilə toplanan sair daxilolmalar – 15 milyon manat
sair daxilolmalar – 65 milyon 469 min manat.
Xərclərə gəlincə, iqtisadi fəaliyyətə 5 milyard 947,4 milyon manat, müdafiə və milli təhlükəsizlik sektoruna 4 milyard 585,8 milyon manat, ümumi dövlət xidmətlərinə 4 milyard 159,7 milyon manat, sosial müdafiə və sosial təminata 3 milyard 692,7 milyon manat, təhsilə 3 milyard 277,6 milyon manat, məhkəmə hakimiyyəti, hüquq mühafizə və prokurorluğa 2 milyard 92,8 milyon manat, səhiyyəyə 1 milyard 409 milyon manat, kənd təsərrüfatına 943 milyon manat, mədəniyyət, incəsənət, informasiya, bədən tərbiyəsi, gənclər siyasəti və bu qəbildən olan digər fəaliyyətə 418,1 milyon manat, ətraf mühitin mühafizəsinə 275,5 milyon manat, mənzil və kommunal təsərrüfatına 262,8 milyon manat, əsas bölmələrə aid edilməyən xərclərə 1 milyard 478,1 milyon manat yönəltmək proqnozlaşdırılır.
Büdcə zərfinə daxil olan digərə sənədlərdə Dövlət Sosial Müdafiə Fondunun gəlir və xərcləri 5 milyard 146 milyon manat, işsizlikdən sığorta fondunun gəlir və xərcləri 157,7 milyon manat nəzərdə tutulur.
Ünvanlı dövlət sosial yardımının təyinatı üçün ehtiyac meyarının həddi 170 manat, yaşayış minimumu ölkə üzrə 196 manat, əmək qabiliyyətli əhali üçün 207 manat, pensiyaçılar üçün 162 manat, uşaqlar üçün 175 manat götürülür.
