Tətil havası, davam
Almaniyanın milli futbol çempionatı qış fasiləsinə çıxıb. Novator.az-ın məlumatına görə, 13 turun ardından “Bavariya” 30 xalla öndədir. “Bayer” və “Leypsiq” 28, “Volfsburq” 24 xal götürüb. Tətil 2021-ci il yanvarın 2-də bitir.
Avropanın digər aparıcı çempionatlarına gəlincə, İngiltərədə “Liverpul” 31 xalla liderdir. “Lester”in 27, “Mançester Yunayted” və “Everton”un 26, “Tottenhem”in 25, “Sauthempton”un 24 xalı var.
İspaniya çempionatına 29 xalla “Real” və “Atletiko” başçılıq edirlər. “Real Sosyedad” 26, “Vilyarreal” 25 xal yığıb.
İtaliya çempionatında “Milan” 31 xalla irəli çıxıb. Lideri 30 xalla “İnter”, 24 xalla “Napoli”, “Yuventus” və “Roma” izləyir.
Fransa çempionatında “Lill” və “Lion” 33 xalla zirvədədir. PSJ 32, “Marsel” və “Renn” 28, “Monpelye” 27 xal əldə edib.
Mənbə: Football.kulichki.net
