Təqdimat mümkün olmasa da…
Tanınmış hüquqşünas Ənnağı Hacıbəyli müəllifi olduğu “Qanunvericiliyin labirintləri” elmi monoqrafiyası haqda elan yayıb. Novator.az-ın məlumatına görə, müəllif qeyd edir ki, pandemiya məhdudiyyətləri “Qanunvericiliyin labirintləri” kitabının təqdimatını keçirməyə imkan vermir: “İstəyirdim hüquqçuları bir araya gətirək, danışaq, dərdləşək, dartışaq, bir-birimizi dinləyək. Mümkün olmadı, nə vaxta toplaşa biləcəyimiz də bəlli deyil.
Kitab oxunanda yaşayır, dəyərli olur, fayda verir. Ona görə qərara aldım kitabları paylayaq. Əldə etmək istəyənlər Tural Hacıbəyliyə müraciət edə bilər (telefon:050 396 99 97)”.
1955-ci il təvəllüdlü Ənnağı Hacıbəyli Bakı Dövlət Universitetinin hüquq fakültəsini bitirib. Respublika Prokurorluğunda şöbə rəisi, Ədliyyə Nazirliyində idarə rəisi olub. Azərbaycan Hüquqşünaslar Assosiasiyasının qurucusu, hüquq müdafiəçisi, ictimai xadimdir.
“Qanunvericiliyin labirintləri” Ənnağı Hacıbəylinin 7-ci elmi monoqrafiyasıdır.
