Ən yaxşı futbolçu kimdir?
Polşalı hücumçu Robert Levandovski Beynəlxalq Futbol Federasiyaları Assosiasiyasının (FİFA) sorğusunda ilin ən yaxşı futbolçusu seçilib. 2019-2020 mövsümünü (iyuldan-iyula) əhatə edən sorğuya milli komandaların baş məşqçiləri, kapitanları və FİFA ölkələrinin hərəsindən bir jurnalist qatılıb.
Novator.az bildirir ki, 1988-ci il avqustun 21-də Polşanın paytaxtı Varşavada doğulan Robert Levandovski 2006-cı ildən ölkəsinin “Zniç”, 2008-ci ildən “Lex”, 2010-cu ildən Almaniyanın Borussiya (Dortmund) komandalarında oynayıb. 2014-cü ildən Almaniyanın “Bavariya” klubunda çıxış edir.
2008-ci ildən Polşa milli komandasının şərəfini qoruyur.
Polşa çempionu, Polşa kubokunun sahibidir.
8 dəfə Almaniya çempionu, 4 dəfə Almaniya kubokunun qalibi olub.
UEFA Çempionlar Liqasının və superkubokunun qalibidir.
