Çin Aydan qrunt gətirib FOTO, VİDEO
Çin Xalq Respublikası 44 ildən sonra Aydan Yerə qrunt gətirən üçüncü ölkəyə çevrilib.
Xəbəri Çin Mərkəzi Televiziyasının beynəlxalq CGTN kanalı yayıb.
Çin Aydan qruntu “Çane-5” kosmik aparatı vasitəsilə gətirib.
Qrunt dolu 300 kiloqramlıq kapsul fəzadan Yer üzünə atılanda Monqolustan ərazisinə düşüb. Çin tərəfi yükün yerini müəyyən edərək götürüb.
Novator.az bildirir ki, “Çane-5” avtomatlaşdırılmış kosmik stansiyası fəzaya bu ilin noyabrında buraxılıb. Stansiya dekabrın əvvəlində Ayda uğurla eniş edib və planeti qazaraq qrunt toplamağa başlayıb.
Ayın zirvəsində dövlət bayrağını ucaldan Çin bununla həm də öz bayrağını kosmosda dalğalandıran üçüncü ölkəyə çevrilib.
Yerə Aydan qrunt gətirən digər ölkələr ABŞ və keçmiş SSRİ-dir.
Son dəfə Aydan yerə belə bir yük 1976-cı ildə gətirilib.
Qrunt planet qabığının aşınma zonasında yerləşən süxurların ümumiləşdirilmiş adıdır.
