Artım və azalmalar
Dövlət Statistika Komitəsi makroiqtisadi hesabat yayıb. Novator.az bildirir ki, rəsmi məlumata görə, 2020-ci ilin yanvar-noyabr aylarında kənd təsərrüfatının ümumi məhsulu ötən ilin eyni dövrü ilə müqayisədə 2 faiz, o cümlədən bitkiçilik məhsullarının istehsalı 1 faiz, heyvandarlıq məhsullarının istehsalı 2,9 faiz artıb.
11 ayda ötən ilin yanvar-noyabr aylarına nəzərən yük daşınması üzrə 19,6 faiz, sərnişin daşınması üzrə 54,5 faiz azalma olduğu vurğulanır.
Eyni dördə əhalinin gəlirlərində nominal ifadədə 1,3 faiz azalma rəsmiləşib, informasiya və rabitə xidmətlərinin həcmində 1,6 faiz artım qeydə alınıb.
Hesabata əsasən, yanvar-noyabr aylarında dövlət büdcəsinə 22 milyard 241,1 milyon manat vəsait daxil olub, büdcədən 22 milyard 162,7 milyon manat vəsait xərclənib, büdcənin icrasında 78,4 milyon manatlıq artıqlıq yaranıb, ictimai iaşə xidmətlərinin həcmi ötən ilin eyni dövrü ilə müqayisədə 2,1 dəfə, əhaliyə göstərilmiş ödənişli xidmətlərdən əldə olunan gəlir 25,8 faiz azalıb.
