Jurnalist Rəşad Süleymanov vəfat edib
Jurnalist Rəşad Süleymanov vəfat edib.
“Report” xəbər verir ki, 10 gün əvvəl koronavirus infeksiyasına yoluxan jurnalist evdə müalicə alırmış.
O, ötən gecə dünyasını dəyişib.
Rəşad Süleymanov Bakı Dövlət Universitetinin jurnalistika fakültəsinin məzunudur. “525-ci qəzet”də, “Həftə içi” qəzetində, APA agentliyində və digər media qurumlarında çalışıb.
2012-ci ildə “AzeriDefence” jurnalını təsis edən Rəşad Süleymanov bu jurnalın həm də baş redaktoru olub. O, həmçinin Azeridefence.com saytının təsisçisi və baş redaktoru kimi fəaliyyət göstərib.
Rəşad Süleymanov hərb və müdafiə sahəsində ixtisaslaşmış jurnalistlərdən idi. Onun 37 yaşı vardı.
Allah rəhmət eləsin!
