Naxçıvanda orta maaş, başqa göstəricilər
Naxçıvan Muxtar Respublikasının Dövlət Statistika Komitəsi sosial-iqtisadi hesabat yayıb. Novator.az bildirir ki, rəsmi məlumata görə, 2020-ci ilin yanvar-noyabr aylarında muxtar respublikada 2,5 milyard manatlıq ümumi daxili məhsul istehsal olunub, bu da 2019-cu ilin eyni dövrünə nəzərən 0,1 faiz çoxdur.
Adambaşına ümumi daxili məhsul 5550,2 manat göstərilir.
2019-cu ilin 11 ayına nəzərən sənayedə 1,5 faiz, kənd təsərrüfatında 4,3 faiz, sərmayə qoyuluşunda 1 faiz, informasiya və rabitə xidmətlərində 4,7 faiz yüksəlişin qeydə alındığı vurğulanır.
Qeyd olunur ki, nəqliyyat sektorunda yük daşınması ötən ilin 11 ayına nəzərən 1,3 faiz, pərakəndə əmtəə dövriyyəsi 0,1 faiz, əhaliyə göstərilən ödənişli xidmətlər 0,9 faiz geriləyib.
2019-cu ilin yanvar-noyabr ayları ilə müqayisədə xarici ticarət dövriyyəsində 3 faiz, ixracda 0,8 faiz, idxalda 19,2 faiz artımın qeydə alındığı bildirilir.
Hesabata əsasən, noyabrın 1-nə muxtar respublika iqtisadiyyatında orta aylıq əməkhaqqı 529,8 manat olub.
