Harada ərzağa nə qədər xərc çəkirlər?
Dövlət Statistika Komitəsinin hesabatına görə, 2020-ci ilin yanvar-noyabr aylarında Azərbaycanda istehlakçıların xərclədiyi vəsaitin 48,7 faizi ərzaq məhsullarının alınmasına sərf olunub.
Rusiyanın “RİA Novosti” agentliyinin apardığı araşdırma Qazaxıstanda ərzaq məhsullarına çəkilən xərcin ümumi xərclərin 49,4 faizi həddində olduğunu göstərir.
Ukraynada analoji göstərici 47,9 faiz, Moldovada 40,6 faiz, Belarusda 35,8 faiz, Litvada 31,5 faiz, Rusiyada 29,7 faiz, Latviyada 23,3 faiz, Estoniyada 21,5 faiz, Türkiyədə 20,8 faizdir.
Novator.az bildirir ki, ərzağa gedən vəsaitin ümumi xərclərdə ən aşağı göstəricisi Lüksemburqda qeydə alınıb – 8,4 faiz.
Niderland və Böyük Britaniyada ərzaq xərcləri ümumi xərclərin 10,6 faizi həcmində rəsmiləşib.
