Ticarət hesabatları
Dövlət Statistika Komitəsi ticarət hesabatları yayıb. Novator.az bildirir ki, rəsmi məlumata görə, 2020-ci ilin yanvar-noyabr aylarında pərakəndə ticarət dövriyyəsi 2019-cu ilin eyni dövrü ilə müqayisədə real ifadədə 1,4 faiz, o cümlədən qeyri-ərzaq malları üzrə 6 faiz azalıb, ərzaq məhsulları, içkilər və tütün məmulatları üzrə 3,1 faiz artım qeydə alınıb.
Başqa bir hesabata görə, yanvar-oktyabr aylarında Azərbaycanın hüquqi və fiziki şəxsləri 182 ölkədəki tərəfdaşları ilə ticarət əməliyyatları aparıb, 107 ölkəyə məhsul ixrac olunub, 173 ölkədən məhsul alınıb.
2019-cu ilin yanvar-oktyabr ayları ilə müqayisədə xarici ticarət dövriyyəsinin faktiki qiymətlərlə 27,5 faiz, real ifadədə 21,7 faiz, o cümlədən idxalın 37,6 faiz, ixracın 10,4 faiz azaldığı qeyd olunur.
Qeyri neft-qaz məhsullarının ixracında azalma faktiki qiymətlərlə 8,2 faiz, real ifadədə 17,7 faiz göstərilir.
