19 ölkə, 48 komanda
2020-2021 mövsümündə UEFA-nın klub turnirlərinə 237 komanda buraxılıb. Novator.az bildirir ki, indi onların 48-i mübarizədədir: Çempionlar Liqasının 1/8 finalında 16, Avropa Liqasının 1/16 finalında 32 klub yer alır.
55 UEFA üzvünün 19-u turnirlərdə təmsil olunur. Heç bir itki verməyən İspaniya və İngiltərə 7 komanda ilə yarışır. İtaliya və Almaniyanın 6, Portuqaliyanın 3 komandası var.
Fransa, Niderland, Belçika, Avstriya və Ukraynanın 2, Rusiya, Şotlandiya, Serbiya, İsveçrə, Yunanıstan, Çexiya, Xorvatiya, İsrail və Norveçin 1 komandası qalır.
Cari klub reytinqinə İspaniya başçılıq edir: 92,283 əmsal.
Reytinq Çempionlar Liqası və Avropa Liqasında son beş mövsümdə qazanılan əmsala əsaslanır. Qələbə maksimum 2 xal, heç-heçə maksimum 1 xaldır. Çempionlar Liqasının qrup mərhələsi 4 bonus xalı, 1/8 finalı 5 bonus xalı, hər iki turnirin 1/4 finalı, yarımfinalı və finalı 1 bonus xalı verir.
Toplanan xallar qitə turnirlərinə vəsiqə almış ölkə klublarının sayına bölünür və mində bir dəqiqliklə əmsal çıxarılır.
Mənbə: Kassiesa.net
