Orta maaş və inflyasiya hesabatları
Dövlət Statistika Komitəsi yeni hesabatlar yayıb. Novator.az bildirir ki, rəsmi açıqlamaya görə, 2020-ci il noyabrın 1-nə Azərbaycan iqtisadiyyatında muzdla çalışan işçilərin sayı 1 milyon 685,3 min nəfərə çatıb, onların 914,9 min nəfəri dövlət sektorunda, 770,4 min nəfəri qeyri-dövlət sektorunda fəaliyyət göstərib.
Yanvar-oktyabr aylarında orta aylıq nominal əməkhaqqının əvvəlki ilin eyni dövrünə nisbətən 14,7 faiz artaraq 704,5 manat olduğu vurğulanır.
Başqa bir hesabata əsasən, yanvar-noyabr aylarında istehlak qiymətləri 2019-cu ilin 11 ayına nisbətən 2,8 faiz, o cümlədən ərzaq məhsulları, içkilər və tütün məmulatları üzrə 5 faiz, qeyri-ərzaq məhsulları üzrə 1,3 faiz, əhaliyə göstərilmiş ödənişli xidmətlər üzrə 1 faiz artıb.
