Cəlilabadın icra başçısı postdan getdi
Namiq Rəsul oğlu Zeynalov Cəlilabad Rayon İcra Hakimiyyətinin başçısı vəzifəsindən azad edilib. Prezident İlham Əliyev sərəncamı dekabrın 8-də imzalayıb.
Dekabrın 7-də bəzi media orqanları Cəlilabad Rayon İcra Hakimiyyətinin binasında xüsusi əməliyyat keçirildiyi, tutulanlar olduğu barədə məlumat yayıb.
Novator.az bildirir ki, Namiq Zeynalov Cəlilabad Rayon İcra Hakimiyyətinin başçısı postunu 6 fevral 2018-ci ildən tuturdu. Həmin təyinata qədər Daşınmaz Əmlakın Dövlət Reyestri Xidmətinin rəis müavini olub.
2019-cu ilin dekabr ayında Ağstafanın icra başçısı və Yevlaxın sabiq icra başçısı, 2020-ci ilin fevral ayında Neftçalanın icra başçısı, aprel ayında Biləsuvarın icra başçısı, may ayında İmişlinin icra başçısı həbs edilib. Bu əməliyyatları Dövlət Təhlükəsizliyi Xidməti aparıb.
2020-ci ilin avqust ayında Baş Prokuror yanında Korrupsiyaya Qarşı Mübarizə Baş İdarəsinin apardığı əməliyyatda Kürdəmir Rayon İcra Hakimiyyətinin başçısı tutulub.
