23990 nəfərə 606,1 milyon manat ödənib
Əmanətlərin Sığortalanması Fondunun hesabatına görə, qapadılmış “Atabank”, “Amrah Bank”, “AGBank” və “NBCBank” banklarının əmanətçilərinə qorunan əmanətlər üzrə 606,1 milyon manat kompensasiya ödənib. Ödəniş alanların sayı 23990 nəfər göstərilir.
Mərkəzi Bank “Atabank”la “Amrah Bank”ın lisenziyalarını aprelin 28-də, “AGBank”la “NBCBank”ın lisenziyalarını mayın 12-də ləğv edib. Banklarda əhalinin qorunan əmanətlərinin ümumi məbləği 686 milyon manat göstərilib.
“Atabank” və “Amrah Bank”ın əmanətçilərinə kompensasiyaların ödənməsinə iyunun 1-dən başlanıb. “AGBank” və “NBCBank”ın əmanətçiləri kompensasiyaları iyunun 16-dan alırlar.
2016-cı il martın 4-dən “Əmanətlərin tam sığortalanması haqqında” qanun qüvvədədir. Hazırda illik faiz dərəcəsi milli valyutada 12 faizdən, xarici valyutada 2,5 faizdən yüksək olmayan əmanətlər tam sığortalanıb.
Milli Məclis “Əmanətlərin tam sığortalanması haqqında” qanunun müddətini 5 aprel 2021-ci ilədək uzatmağa hazırlaşır. “Əmanətlərin sığortalanması haqqında” qanuna təklif olunan dəyişikliklərə əsasən, 5 aprel 2021-ci ildən fiziki şəxslərin qorunan əmanətləri üzrə kompensasiya məbləği 30 min manatdan 100 min manata (xarici valyutada 100 min manat ekvivalentinədək) artırılacaq; sahibkarlıq fəaliyyəti ilə məşğul olan fiziki şəxslərin bank hesablarında olan vəsaitləri üzrə kompensasiya məbləği 20 min manat müəyyən edilməklə sığortalanacaq; notariusların depozit hesablarında qalmış, fiziki şəxslərə məxsus pul vəsaitləri tam məbləğdə sığortalanacaq.
Bağlanan banklarda nə qədər qorunan əmanət var?
Qorunan əmanətlər necə ödənəcək?
Bağlanan bankların əmanətçilərinə müraciət
Bağlanan bankların əmanətçilərinə nə qədər vəsait ödənib?
Əmanətlərdə dolaşıqlıq yaranıb
Bağlanan banklar: 503,5 milyon manat ödənib
Batan banklar: 529,2 milyon manat ödənib
Bağlanan banklar: nə qədər kompensasiya ödənib?
Bağlanan banklar üçün ödəniş statistikası
