Olimpiadanın təxirə salınması neçəyə başa gələcək?
Tokioda keçirilməli olan Yay Olimpiya Oyunlarının bir illiyə təxirə salınması Yaponiya dövlətinə ən azı 2.4 milyard dollara başa gələcək.
Novator.az saytının məlumatına görə, Yaponiyanın ingilis dilində nəşr olunan “The Japan Times” qəzetində belə yazılıb.
2020-ci ilin Yay Olimpiya Oyunları Tokio şəhərində iyulun 25-dən avqustun 9-dək keçirilməli idi. Tədbir koronavirus pandemiyasına görə təxirə salınıb. Tokio Olimpiadasının 2021-ci il iyulun 24-dən avqustun 8-dək keçirilməsi qərara alınıb.
Təxirə salınmaya görə bütün xərcləri Yaponiya dövləti öz üzərinə götürüb.
Yay Olimpiya Oyunları hər dörd ildən bir yay fəslində keçirilən, bütün dünyanı əhatə edən çoxnövlü idman yarışıdır.
Mənbə: Japantimes.co.jp
