![]({"full":{"0":"2020\/12\/koronavirus-test-\u0130srail.jpg","1":814,"2":511,"3":false,"file":"https:\/\/novator.az\/wp-content\/uploads\/2020\/12\/koronavirus-test-\u0130srail.jpg"}})
Koronavirusla mübarizə üçün yeni plan: “Həyat qalxanı”
- 07 Dekabr 2020
- comments
- Novator.az
- Posted in Dünyanın səsiXəbər
İsrailin paytaxtı Tel-Əvivdə çalışan bir qrup tibb işçisi hökumətə koronavirusla mübarizə üçün yeni plan təklif edib.
Novator.az saytı İsrailin “Yerusəlim Post” qəzetinə istinadla xəbər verir ki, plan “Həyat qalxanı” adlanır.
Planın hazırlanmasında əsas rol oynayan şəxslərdən biri, professor Eli Spreçer deyib ki, “Həyat qalxanı” insanların tez-tez koronavirus testi verməsini və bunu reallaşdırmaq üçün atılmalı olan addımları nəzərdə tutur.
Plana görə, səhhətində bir narahatlıq hiss edib-etməməsindən asılı olmayaraq hamı tez-tez koronavirus testindən keçməlidir.
Plan müəlliflərinin fikrincə, bu, virusa yoluxmaları vaxtında aşkarlayacaq, müalicələr yoluxmanın ilk dövründən başlandığına görə daha yaxşı effekt verəcək, üstəlik, karantin məhdudiyyətlərinə ehtiyac qalmayacaq.
Professor Eli Spreçer deyib ki, koronavirusa qarşı peyvəndləmənin kütləvi tətbiqi, həmçinin peyvənd olunandan sonra onun təsirinin duyulması hələ vaxt aparacaq, buna görə də “Həyat qalxanı”nda göstərildiyi kimi sürəkli test vermə metodunu reallaşdırmaq gərəkdir: “Çox ümidliyik ki, Səhiyyə Nazirliyi bizim planı qəbul edəcək”.
Mənbə: Jpost.com