Futbol üzrə ilk Avropa çempionatının qalibi vəfat edib
Məşhur rus futbolçu, SSRİ yığmasının hücumçusu olmuş Viktor Ponedelnik 84 yaşında vəfat edib.
Novator.az Vesti.ru-ya istinadla xəbər verir ki, Ponedelnik dekabrın 5-də dünyasını dəyişib.
Viktor Ponedelnik 1960-cı ildə Fransada keçirilən ilk Avropa çempionatının qalibidir. Çempionatın final oyununda sovet yığması Yuqoslaviya millisi ilə qarşılaşıb. Əlavə vaxtda həlledici qolu hücumçu Ponedelnik vurub, Yuqoslaviya millisini 2:1 hesabı ilə məğlub edən sovet yığması çempionluq qazanıb.
O zaman yarışın ən yaxşı bombardiri olan Viktor Ponedelnik 1964-cü ilin Avropa çempionatında SSRİ yığmasının hücumçusu kimi gümüş mükafat əldə edib.
Mənbə: Vesti.ru
