Dünyada koronavirusa qarşı 150-dən çox peyvənd hazırlanır
Dünyada koronavirusa qarşı 150-dən çox peyvənd hazırlanır. Novator.az-ın məlumatına görə, bunu Dünya Səhiyyə Təşkilatının elmi araşdırmalar üzrə səlahiyyətli nümayəndəsi Sumiya Svaminatan deyib.
O bildirib ki, hazırlanmaqda olan həmin peyvəndlərlə bağlı Dünya Səhiyyə Təşkilatına təkliflər daxil olub.
Sumiya Svaminatan qeyd edib ki, peyvənd nümunələrindən 50-si klinik sınaqdan keçirilir. 15-i son sınaq mərhələsindədir. Onlardan 4-ü üzrə sınaqlar başa çatmaqdadır.
Sumiya Svaminatan 4 vaksin üzrə sınaqların tezliklə yekunlaşacağına və həmin vaksinlərin müalicə prosesinə yönəldiləcəyinə böyük ümid bəslədiyini vurğulayıb: “Əlbəttə, biz daha çox peyvəndin effekt verməsini gözləyirik və get-gedə buna ümidimiz artır”.
Mənbə: Youtube.com
