Rusiya siyasi məhbuslara görə yeni sanksiya ilə üzləşə bilər.

Novator.az saytı Kommersant.ru saytına istinadla bildirir ki, ABŞ Konqresinin aşağı palatası olan Nümayəndələr Palatası Rusiyada siyasi motivlərlə həbs edilən məmurlarla maraqlanır. Çünki son illər Rusiyada həbs edilən şəxslərin siyasi fəaliyyəti araşdırılarkən üzə çıxıb ki, onların əksəri məmur olub və hakimiyyətin sifarişi ilə həbs edilib.

Bir çox faktı araşdıran Nümayəndələr Palatası siyasi baxışlarına görə cəzalandırılan rusiyalı məmurların azad olunması üçün qətnamə qəbul edib. Bu siyasi sənəddə Rusiyada həbsdə saxlanan siyasi dustaqların tezliklə azadlığa buraxılması tələb edilir.

Nümayəndələr Palatasının qətnaməsi Rusiyaya qarşı yeni sanksiya mexanizmini işə sala bilər.

Rusiyanın “Memorial” İnsan Hüquqları Mərkəzinin son hesabatına görə, hazırda bu ölkədə 63 siyasi məhbus var.

Mənbə: Kommersant.ru