![]({"full":{"0":"2018\/12\/UEFA.jpg","1":750,"2":445,"3":false,"file":"https:\/\/novator.az\/wp-content\/uploads\/2018\/12\/UEFA.jpg"}})
UEFA-nın klub turnirlərində qrup mərhələsi gələn həftə başa çatır. Novator.az son tur ərəfəsindəki duruma əsaslanıb bildirir ki, Çempionlar Liqasında İngiltərənin 3, İspaniya və Almaniyanın 2, İtaliya və Portuqaliyanın 1 komandası 1/8 finala vəsiqəni təmin edib.
Avropa Liqasının 1/16 finalında İngiltərənin 3, İspaniya, İtaliya, Almaniya və Portuqaliyanın 2, Fransa, Rusiya, Niderland, Belçika, Şotlandiya, Serbiya, Çexiya və Xorvatiyanın 1 komandasının oynayacağı dəqiqləşib.
Hər iki turnir üzrə Kipr, Danimarka, Bolqarıstan, Azərbaycan, Polşa və İrlandiyanın təmsilçisiz qalacağı da bilinir.
Klub reytinqində Azərbaycan 16,875 əmsalla 55 UEFA üzvü arasında 26-cı sırada durur.
Reytinqə İspaniya başçılıq edir: 89,712 əmsal. Onun ən yaxın təqibçisi 89,283 əmsalla İngiltərədir.
Klub reytinqi Çempionlar Liqası və Avropa Liqasında son beş mövsümdə qazanılan əmsala əsaslanır.
Qrup raundunda qələbə 2 xal, heç-heçə 1 xaldır. Çempionlar Liqasının 1/8 finalına çıxmaq 5 bonus xalı, hər iki turnirin 1/4 finalına, yarımfinalına və finalına yüksəlmək 1 bonus xalı verir.
Toplanan xallar qitə turnirlərinə vəsiqə almış ölkə klublarının sayına bölünür və mində bir dəqiqliklə əmsal çıxarılır.
Mənbə: Kassiesa.net