Birinci Pyotrun imzaladığı sənəd oğurlanıb
Rusiya imperatoru Birinci Pyotrun (1672-1725) imzası olan bir sənədin ABŞ-da hərracda satışa çıxarılması indiki Rusiya hökumətində, cəmiyyətində və elmi dairələrində çaşqınlığa səbəb olub.
Novator.az-ın məlumatına görə, Rusiya Daxili İşlər Nazirliyinin apardığı araşdırma nəticəsində bəlli olub ki, sənədin əsli Rusiya Dövlət Hərbi-Tarixi Arxivindən oğurlanıbmış. Yerinə isə saxta yolla surəti hazırlanaraq qoyulubmuş.
Oğurluğun çoxdan baş verdiyi güman olunur.
Hazırda Rusiyanın hüquq mühafizə orqanları bunu kimlərin, necə, nə vaxt etdiyini, tarixi sənədin ölkədən hansı yollarla çıxarıldığını, Amerikaya necə gedib çıxdığını dəqiqləşdirməyə çalışır.
Mayın 28-də Soçidə böyük rus şairi Aleksandr Puşkinə məxsus 75 milyon rubl dəyərində əlyazma oğurlanmışdı.
Mənbə: Lenta.ru
