Məşhur vəkil Adil İsmayılov dekabrın 3-də vəfat edib. Onun koronavirus infeksiyasının qurbanı olduğu bildirilir.

1957-ci il təvəllüdlü Adil İsmayılov Bakı Dövlət Universitetinin hüquq fakültəsinin məzunudur. 1978-1991-ci illərdə prokurorluq sistemində çalışıb.

Bir çox tanınmış şəxsin, o cümlədən 2004-cü ildə Macarıstanda tutularaq ömürlük həbsə məhkum edilmiş, 2012-ci ildə Azərbaycana gətirilərək azadlığa buraxılmış zabit Ramil Səfərovun vəkili olub.

O, hüquqşünas, dövlət xadimi, alim, diplomat Eldar Həsənova vəkillik edirdi. Eldar Həsənov bu il avqustun 13-də tutulub. Avqustun 14-də Səbail Rayon Məhkəməsi Eldar Həsənov barəsində həbs qətimkan tədbiri seçib. Ona vəzifə səlahiyyətlərindən sui-istifadə ağır nəticələrə səbəb olduqda, dövlət büdcəsinin, məqsədli büdcə fondlarının və ya büdcədənkənar dövlət fondlarının vəsaitindən təyinatı üzrə istifadə etməmə ittihamları irəli sürülüb.