Manat nə qədər valyuta aparıb?
Dövlət Neft Fondu Mərkəzi Bankın 2020-ci ilin noyabr ayında keçirdiyi valyuta hərraclarında 495,5 milyon ABŞ dolları məbləğində vəsait satıb. Rəsmi hesabat dekabrın 1-də yayılıb.
Novator.az bildirir ki, yanvar-noyabr aylarının hərraclarında satılan xarici valyutanın həcmi 6 milyard 665,9 milyon dollardır. Manatı qorumağa yanvarın hərraclarında 300,2 milyon dollar, fevralın hərraclarında 543,4 milyon dollar, martın hərraclarında 1 milyard 928,3 milyon dollar, aprelin hərraclarında 531,1 milyon dollar, mayın hərraclarında 334 milyon dollar, iyunun hərraclarında 373,2 milyon dollar, iyulun hərraclarında 515,5 milyon dollar, avqustun hərraclarında 478 milyon dollar, sentyabrın hərraclarında 606,4 milyon dollar, oktyabrın hərraclarında 560,3 milyon dollar sərf olunub.
2016-cı ildə Dövlət Neft Fondunun analoji xərci 4,9 milyard dollar, 2017-ci ildə 3,6 milyard dollar, 2018-ci ildə 6,5 milyard dollar, 2019-cu ildə 6,6 milyard dollar göstərilib.
2015-ci ilin iki devalvasiyası nəticəsində dolların məzənnəsi 0,7844 manatdan 1,5594 manata yüksəlib.
2016-cı ildə rəsmi qiymət 1,7707 manata çatıb.
2017-ci ilin fevralında maksimal qiymət qeydə alınıb: 1,92 manat. Həmin ili 1,7001 manatla yola salan dollar 2018-ci il martın 7-dən banklara 1,7 manata təklif olunur.
