UEFA Çempionlar Liqasında qrup mərhələsinin dördüncü turu start götürüb. Novator.az-ın məlumatına görə, H qrupunda yarışan Türkiyə təmsilçisi “Başakşəhər” noyabrın 24-ü İngiltərədə “Mançester Yunayted”ə 1:4 hesabı ilə uduzub.
PSJ Fransada “Leypsiq”i (Almaniya) 1 cavabsız topla yenib.
Dörd turun ardından ingilislərin 9, fransızlarla almanların 6, türklərin 3 xalı var.
Qrupda ilk iki yeri tutan komandalar növbəti raunda çıxacaq, üçüncü yerin sahibi Avropa Liqasına köç edəcək.
24 noyabr oyunlarından sonra E qrupundan “Çelsi” (İngiltərə) və “Sevilya” (İspaniya), G qrupundan “Barselona” (İspaniya) və “Yuventus” (İtaliya) növbəti raunda vəsiqəni təmin ediblər.
Qruplardakı 12 komandanın 1955-ci ildə yaradılmış, 1991-ci ilə qədər Çempionlar kuboku adlanmış turnirdə zəfəri var. “Real” 13, “Bavariya” və “Liverpul” 6, “Barselona” 5, “Ayaks” 4, “İnter” və “Mançester Yunayted” 3, “Yuventus” və “Portu” 2, “Marsel”, “Borussiya” (Dortmund) və “Çelsi” 1 titula sahibdir.
Mənbə: Uefa.com
