Sərmayə incəlikləri
2020-ci ilin yanvar-oktyabr aylarında Azərbaycanın iqtisadi və sosial sahələrinin inkişafına 11 milyard 540,2 milyon manat sərmayə yönəldilib. Novator.az bildirir ki, Dövlət Statistika Komitəsinin hesabatına görə, sərmayənin 65,8 faizi məhsul istehsalı sahələrinin, 25 faizi xidmət sahələrinin, 9,2 faizi yaşayış evlərinin tikintisinin payına düşüb.
Qeyd olunur ki, vəsaitin 40,8 faizini dövlət, 59,2 faizini qeyri-dövlət sektorunun sərmayədarları qoyub.
Müəssisə və təşkilatların sərmayədə payı 6 milyard 729,4 milyon manat, büdcə vəsaitləri 2 milyard 784,8 milyon manat, bank kreditləri 738,8 milyon manat, əhalinin şəxsi vəsaitləri 700,1 milyon manat, sair vəsaitlər 386,5 milyon manat, büdcədənkənar dövlət fondlarının vəsaitləri 200,6 milyon manat göstərilir.
Hesabata əsasən, xarici ölkələr və beynəlxalq təşkilatların əsas kapitala yönəldiyi vəsaitin 86,8 faizi Böyük Britaniya, Türkiyə, ABŞ, Yaponiya, İsveçrə, Malayziya, Norveç, Rusiya və İran sərmayədarlarına məxsus olub.
