ABŞ-da noyabrın 3-də keçirilmiş ümumxalq səsverməsinin yenilənmiş nəticələrinə görə, Konqresin yuxarı palatası olan 100 yerlik Senatda Respublikaçılar Partiyasının 50, Demokratlar Partiyasının 46 nümayəndəsi var.

3 noyabr seçkisində Senatın 35 üzvü seçilib.

Novator.az bildirir ki, Konqresin alt qanadı olan, tam yenilənən 435 nəfərlik Nümayəndələr Palatasında demokratlar 222, respublikaçılar 208 nəfərlə təmsil olunur.

Prezident seçkisində Demokratlar Partiyasından Cozef Bayden qalib gəlir. O, 538 nəfərlik Seçicilər Kollegiyasına 306 nümayəndə qazanıb.

Prezident seçilmək üçün 270 səs kifayət edir.

Respublikaçılar Partiyasının namizədi olan prezident Donald Tramp Seçicilər Kollegiyasına 232 nümayəndə keçirib.

Seçicilər Kollegiyası prezident seçkisi ilə bağlı yekun qərarını dekabrın 14-də verəcək, sonra həmin səsvermənin nəticəsi Konqresin iclasında təsdiqlənəcək.

Mənbə: Abcnews.go.com.