Yaxın ölkələrlə alver
Novator.az Azərbaycanın yaxın ölkələrlə rəsmi ticarət statistikasına nəzər salıb.
Dövlət Gömrük Komitəsinin hesabatına görə, Azərbaycan 2020-ci ilin yanvar-oktyabr aylarında Türkiyəyə 2,3 milyard dollarlıq məhsul ixrac edib.
Rusiyaya 565,5 milyon, Gürcüstana 407,9 milyon, Ukraynaya 313,4 milyon, Belarusa 161,2 milyon, İrana 34,5 milyon, Qazaxıstana 21,8 milyon, Türkmənistana 13,9 milyon, Özbəkistana 11,5 milyon, Moldovaya 3,6 milyon, Tacikistana 2,9 milyon, Litvaya 2 milyon, Qırğızıstana 1,4 milyon, Estoniyaya 1,1 milyon dollarlıq, Latviyaya 312,3 min dollarlıq ixrac qeydə alınıb.
Yanvar-oktyabr aylarında Azərbaycan Rusiyadan 1,6 milyard dollarlıq mal alıb.
Türkiyədən Azərbaycana 1,2 milyard dollarlıq, Ukraynadan 346,3 milyon, İrandan 239,4 milyon, Belarusdan 91,3 milyon, Qazaxıstandan 81,6 milyon, Türkmənistandan 70,2 milyon, Gürcüstandan 58,7 milyon, Özbəkistandan 49,8 milyon dollarlıq məhsul göndərilib.
Digər yaxın ölkələrdən idxal göstəriciləri belə rəsmiləşib:
Litva – 17,9 milyon dollar
Latviya – 9,5 milyon dollar
Moldova – 2,8 milyon dollar
Estoniya – 2,7 milyon dollar
Qırğızıstan – 2,5 milyon dollar
Tacikistan – 3,9 min dollar.
