Məşğulluq hesabatı
Dövlət Statistika Komitəsi məşğulluq hesabatı yayıb. Novator.az-ın məlumatına görə, 2020-ci il noyabrın 1-nə iqtisadi fəal əhalinin sayı 5 milyon 251,3 min nəfər, məşğul əhalinin sayı 4 milyon 887,8 min nəfər göstərilir.
Qeyd olunur ki, oktyabrın 1-nə muzdla çalışan işçilərin 33,9 min nəfəri iqtisadiyyatın neft-qaz sektorunda, 1 milyon 647,7 min nəfəri qeyri neft-qaz sektorunda fəaliyyət göstərib.
Üçüncü rübün sonuna ölkədə 1719 nəfər əcnəbi haqqı ödənən əmək fəaliyyəti ilə məşğul olub. Onların 33,4 faizi tikintidə, 19,9 faizi mədən sənayesində, 9 faizi emal sənayesində, 7,4 faizi təhsil, 5,6 faizi ticarət; nəqliyyat vasitələrinin təmiri, 4,6 faizi turistlərin yerləşdirilməsi və ictimai iaşə, 20,1 faizi digər sahələrdə çalışıb.
Hesabata əsasən, yanvar-sentyabr ayları ərzində ölkədə 106,2 min yeni iş yeri açılıb, 17,9 min iş yeri bağlanıb.
