İctimai iaşə və ödənişli xidmətlərdə nə qədər azalma var?
Dövlət Statistika Komitəsinin rəsmi hesabatına görə, 2020-ci ilin on ayında Azərbaycanda ictimai iaşə xidmətlərinin həcmi ötən ilin yanvar-oktyabr ayları ilə müqayisədə 2,1 dəfə azalaraq 605,0 milyon manat olub.
Eyni dövrdə əhaliyə göstərilmiş ödənişli xidmətlərdən əldə olunan gəlirin 25,9 faiz azaldığı xəbər verilir. Rəsmi bilgiyə əsasən, yanvar-oktyabr aylarında hər bir ölkə sakini orta hesabla 558,3 manatlıq və ya ötən ilin müvafiq dövrü ilə müqayisədə nominal ifadədə 193,3 manat az xidmətdən istifadə edib.
Azalmalar koronavirus pandemiyasını cilovlamaq üçün tətbiq edilən məhdudiyyətlərlə izah olunur.
