Moldovada yeni prezident
Mayya Sandu Moldova prezidenti seçilib. Novator.az-ın məlumatına görə, Hərəkət və Həmrəylik Partiyasının lideri olan sabiq baş nazir noyabrın 15-də keçirilmiş ikinci turda indiki prezident İqor Dodonla yarışıb. İlkin nəticələrə əsasən, Mayya Sandu 56,3% səslə önə çıxıb, İqor Dodon 43,7% nəticə göstərib.
1972-ci il təvəllüdlü Mayya Sandu Moldovada İqtisadi Təhsil və Dövlət İdarəçiliyi akademiyalarını, ABŞ-da Harvard Dövlət İdarəçiliyi İnstitutunu bitirib. 2012-2015-ci illərdə maarif naziri, 2019-cu ilin iyun-noyabr aylarında baş nazir olub.
1975-ci il təvəllüdlü İqor Dodon iqtisad elmləri doktorudur. Moldova hökumətində müxtəlif postlar, o cümlədən baş nazirin birinci müavini, iqtisadiyyat və ticarət naziri vəzifələrini tutub, Sosialist Partiyasının sədri olub. 2016-cı il noyabrın 13-də keçirilən ümumxalq səsverməsində prezident seçilib.
Moldovada prezidentin səlahiyyət müddəti 4 ildir.
Parlament respublikası olan ölkədə hökuməti 101 yerlik qanunverici orqanda mandatların yarıdan çoxuna sahib olan partiya qurur.
Mənbə:Sputnik.md
