Mnasakanyan gedir
Zöhrab Mnasakanyan Ermənistanın xarici işlər naziri postundan istefa verib. Novator.az bildirir ki, rəsmi istefa ərizəsi noyabrın 16-da təqdim olunub.
1966-cı ildə paytaxt Yerevanda doğulan Zöhrab Mnasakanyan Moskva Dövlət Beynəlxalq Münasibətlər İnstitutunun məzunudur. Xarici İşlər Nazirliyi sistemində müxtəlif məsul vəzifələrdə çalışıb, o cümlədən nazir müavini postunu tutub, Ermənistanın İsveçrədəki səfiri, Avropa Şurasında və BMT-də daimi nümayəndəsi olub.
Xarici işlər naziri vəzifəsinə 12 may 2018-ci ildə gətirilib.
Ermənistanda nazirləri baş nazirin təqdimatı ilə prezident təyin edir.
